Toshkentda yangi yoʻlovchi avtobuslari sotib olinadi

2022-2025-yillarda yoʻlovchi tashish transportini yangilash, yangi “yashil” zamonaviy avtobuslar xarid qilish rejalashtirilgan.

Maʼlum qilinishicha, transport tizimini tizimli modernizatsiya qilish bosqichma-bosqich amalga oshiriladi.

Qayd etilishicha, 2022-yilda 590 ta avtobus xarid qilinadi:

90 ta katta sigʻimli avtobuslar (12 metr) MAN CNG;

200 ta oʻrta sigʻimli (8,5 — 9 metr) saz LE60;

300 ta katta elektr avtobuslari (12 metr).

2023-yilda — 253 ta avtobus:

53 ta katta sigʻimli elektr avtobuslari (18 metr);

100 ta katta sigʻimli (12 metr) MAN CNG;

100 ta katta sigʻimli elektr avtobus (12 metr).

2024-2025-yillarda 100 ta elektrobus sotib olish rejalashtirilgan:

100 ta katta elektr avtobuslari (12 metr).

Qayd etilishicha, yangi avtomashinalar xarid qilish uchun 3 trillion 96 milliard 855 million soʻm yoʻnaltiriladi.

Xabar qilinishicha, xaridlar Oʻzbekiston Tiklanish va taraqqiyot jamgʻarmasi kreditlari asosida xususiy investorlar tomonidan qoplanadi.