Toshkentda “Paynet” terminalini oʻgʻirlashga uringan yigitlar qoʻlga olindi
Uchtepa tumanida uch nafar yigit “Paynet” terminalini oʻgʻirlashga urindi, deb xabar berdi poytaxt IIBB matbuot xizmati.
Maʼlumotlarga koʻra, 3-avgust kuni “Beshqayragʻoch” koʻchasida oʻrnatilgan terminalni oʻgʻirlashga urinish haqida tuman IIBga xabar kelib tushgan.
Tekshiruvda aniqlanishicha, gumondorlar qoʻlqop va bosh kiyim kiyib, Tracker avtomobilining davlat raqamlarini yechib tashlagan. Ular terminalni mashina bagajiga yuklashga uringan, ammo apparat yerga tushib ketgan. Shovqin fuqarolar eʼtiborini tortgani uchun ular terminalni tashlab, hodisa joyidan qochib ketgan.
IIBB xodimlari tez orada A.Sh., T.F. va Z.Z.ni qoʻlga olgan. Ularga nisbatan Jinoyat kodeksining 25-modda orqali 169-moddasi (Oʻgʻirlik qilishga suiqasd) bilan jinoyat ishi qoʻzgʻatildi. Hozirda tergov harakatlari olib borilmoqda.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring