“Tolibon” AQSH qoʻshinlarini olib chiqishning oxirgi muddatini maʼlum qildi

16:30 23 Avgust 2021 Dunyo
801 0

Foto: AP

“Tolibon” harakati AQSH qoʻshinlarini olib chiqishning oxirgi muddatini maʼlum qildi.

Unga koʻra, joriy yilning 31-avgust Amerika Qoʻshma Shtatlari qoʻshinlarini olib chiqishining oxirgi muddati hisoblanadi. 

Bu haqda “Sky News” telekanali harakat vakili Suxail Shahinga tayanib xabar berdi.

“Bu qizil chiziq. AQSH prezidenti Jo Bayden 31-avgustgacha barcha harbiy kuchlarini olib chiqib ketishini eʼlon qilgan”, deydi Shahin.

Shuningdek, “Tolibon” AQSH va Buyuk Britaniyaga harbiylarni evakuatsiya qilish uchun qoʻshimcha vaqt berilishini rejalashtirmayapti.

Oldinroq, Shimoliy Atlantika Shartnomasi Tashkiloti (NATO) Bosh kotibi Yens Stoltenberg Afgʻonistondagi missiyasini yakunlaganini, ittifoqchilar hozir faqat Kobul aeroporti hududida qolayotgani maʼlum qilgan edi.

15-avgustda Kobulga kirib kelgan “Tolibon” Afgʻoniston hududida toʻliq nazorat oʻrnatilganini eʼlon qilgan edi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?