Tokio-2020ning ilk chempioni aniqlandi, u oʻq otish sporti vakilasi

10:56 24 Iyul 2021 Sport
420 0

Bugun ertalabdan Yaponiyaning Tokio shahrida XXXII yozgi Olimpiya oʻyinlarining asosiy musobaqalariga start berildi. Hamyurtlarimiz orasida birinchi boʻlib oʻq otish sportida ishtirok etayotgan yagona vakilamiz Muxtasar Toxirova oʻz omadini sinab koʻrdi.

Afsuski, yosh va umidli sportchimiz 10 metrga miltiqdan otish bahslarida kutilgan natijani qayd etolmadi. Yakunda u oʻz ishtirokini 33-oʻrinda yakunladi.

Ushbu yoʻnalishda 1-oʻrinni Xitoy vakilasi Kian Yang qoʻlga kiritdi va Tokio-2020 yozgi Olimpiya oʻyinlarining ilk chempioni sifatida tarixga kirdi.

Kumush medal rossiyalik Anastasiya Galashinaga nasib etgan boʻlsa, Shveysariya terma jamoasi aʼzosi Nina Kristen oʻz uyiga bronza medali bilan qaytadigan boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?