Токио-2020нинг илк чемпиони аниқланди, у ўқ отиш спорти вакиласи

10:56 24 Июль 2021 Спорт
395 0

Бугун эрталабдан Япониянинг Токио шаҳрида XXXII ёзги Олимпия ўйинларининг асосий мусобақаларига старт берилди. Ҳамюртларимиз орасида биринчи бўлиб ўқ отиш спортида иштирок этаётган ягона вакиламиз Мухтасар Тохирова ўз омадини синаб кўрди.

Афсуски, ёш ва умидли спортчимиз 10 метрга милтиқдан отиш баҳсларида кутилган натижани қайд этолмади. Якунда у ўз иштирокини 33-ўринда якунлади.

Ушбу йўналишда 1-ўринни Хитой вакиласи Киан Янг қўлга киритди ва Токио-2020 ёзги Олимпия ўйинларининг илк чемпиони сифатида тарихга кирди.

Кумуш медаль россиялик Анастасия Галашинага насиб этган бўлса, Швейцария терма жамоаси аъзоси Нина Кристен ўз уйига бронза медали билан қайтадиган бўлди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?