Suvliariqda 2,4 km masofada piyodalar yoʻlagi barpo etilmoqda
Botir MADIYOROV/“Xalq soʻzi”. Markaziy Fargʻona hududida joylashgan Yozyovon tumanining bir necha mahallalari hududidan “Andijon – Toshkent” xalqaro magistral yoʻli oʻtgan. Keyingi yillarda serqatnov katta yoʻl boʻyicha tadbirkorlik muhiti yaratilib, xizmat koʻrsatish va servis shoxobchalari, savdo doʻkonlari qad rostlamoqda.
Tumanning “Suvliariq” MFY hududida ham tadbirkorlik faoliyati rivojlanib, tobora gavjumlashib bormoqda. Qolaversa, katta yoʻl boʻylab maktab oʻquvchilari har kuni taʼlim dargohiga, aholi vakillari ishga qatnaydi. Ayni kunlarda ularning katta yoʻl yoqasida xavfsiz harakatlanishlari uchun 2,4 km piyodalar yoʻlagi yotqizilmoqda.
—Bu yumush Yozyovon tumani yoʻllardan foydalanish davlat muassasasi mablagʻlari hisobidan amalga oshirilmoqda, — deydi korxona mutaxassisi Akmaljon Xursanov. — Buning uchun 350 million soʻmdan ziyod mablagʻ ajratilishi nazarda tutilgan.
Piyodalar yoʻlagi yoʻlning ushbu qismida xavfsiz harakatlanish hamda avtohalokatlarning oldini olishga xizmat qiladi.
Tavsiya etamiz
Ko‘p o‘qilganlar
- G20 sammitining Janubiy Afrikada oʻtkazilishi sharmandali holat – Tramp
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- Turkiya sudi Netanyahuni Gʻazoda genotsid sodir etganlikda ayblab, hibsga olish orderini maʼqulladi
- Yosh oʻzbek yozuvchisining asari Xalqaro bolalar adabiyoti kengashining faxriy roʻyxatiga kiritildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring