Illyustrativ foto

Shvetsiya parlamenti Ukrainaga 6,2 milliard shved kroni (taxminan 600 million dollar) miqdorida yangi harbiy yordam paketini ajratishni maʼqulladi.

Bayonotda qayd etilishicha, yangi paketga “Leopard 2” tanklari, “Archer” oʻziyurar artilleriya moslamalari, “Robotsystem 97” raketa tizimlari, shuningdek, oʻq-dorilar kiradi. Shvetsiya parlamenti Stokgolm Kiyevga topshirgan eski “AS-90” oʻziyurar artilleriya moslamalarini almashtirish uchun Buyuk Britaniyaga 14 ta “Archer” tizimini joʻnatishni ham maʼqulladi.

2022-yil dekabrida Shvetsiya mudofaa vaziri Pol Yonsson Ukrainaga harbiy yordamning yangi paketi avvalgisidan 50 foizga koʻp boʻlishini eʼlon qildi. Bundan oldin, noyabr oyida Stokgolm Ukrainaga harbiy yordam uchun 287 million dollar ajratilishini eʼlon qilgan edi.

Shu yilning 21-mart kuni Buyuk Britaniya mudofaa vaziri oʻrinbosari Annabel Goldi harbiy yordam doirasida mamlakat Ukrainaga bir guruh “Challenger 2” tanklari bilan bir qatorda tugatilgan uran snaryadlarini yuborishini maʼlum qildi. Ushbu oʻq-dorilar odatdagi jangovar xususiyatlari bilan odatdagilaridan farq qiladi, masalan, ularning tezligi soatiga 6120 kilometrdan oshishi mumkin.

Taʼkidlanishicha, ushbu snaryadlar Yugoslaviyani bombardimon qilish, “Choʻl boʻroni” operatsiyasi va 2003-yilda AQSHning Iroqqa bostirib kirishi paytida ishlatilgan.

Bungacha AQSH davlat kotibi Entoni Blinken Qoʻshma Shtatlar Ukrainaga 350 million dollarlik yangi harbiy yordam paketini taqdim etgani maʼlum qilgan edi. Ushbu yordam “HIMARS” uchun yangi oʻq-dorilar, gaubitsalar va “Bradley” piyoda askarlar uchun jangovar mashinalari, “HARM” raketalari, tankka qarshi qurollar va daryo qayiqlarini oʻz ichiga oladi.