Arxiv foto

Shimoliy Koreya xakerlari butun dunyo boʻylab hukumatlar va xususiy kompaniyalarning yadro hamda harbiy sirlarini oʻgʻirlashga urinmoqda. Bu haqda Buyuk Britaniya, AQSH, Janubiy Koreya ogohlantirmoqda.

Ushbu davlatlarga koʻra, «Andariel» va «Onyx Sleet» nomlari bilan mashhur guruh Pxenyanning harbiy va yadroviy dasturlari va maqsadlarini amalga oshirish yoʻlida maxfiy maʼlumotlarni olish uchun mudofaa, ayerokosmik, yadro hamda muhandislik sohalarini nishonga oladi.

Guruh uranni qayta ishlashdan tortib tanklar, suv osti kemalari va torpedalargacha boʻlgan keng doiradagi maʼlumotni qidirib kelgan. Shuningdek, ular Buyuk Britaniya, AQSH, Janubiy Koreya, Yaponiya, Hindiston va boshqa joylar nishonga olingani maʼlum. Ular ichida AQSH havo kuchlari bazalari, NASA, mudofaa kompaniyalar borligi aytilmoqda.

Shuningdek, Seulning xabar berishicha, Shimoliy Koreya Janubiy Koreyaning chip uskunalari ishlab chiqaruvchi tashkilotlarini buzib kirgan.

Eng ommabop kiber hodisalar ham ushbu mamlakat bilan bogʻliq. 2014-yilda Shimoliy Koreya yetakchisi Kim Chin Inning oʻldirilishi tasvirlangan Gollivud komediya filmi uchun qasos sifatida «Sony Pictures» kompaniyasiga hujum qilgan. Shuningdek, Shimoliy Koreya millionlab dollarlik yirik oʻgʻirliklarni amalga oshirgan «Lazarus Group» faoliyati bilan ham tanilgan.