50 yoshdan keyin jismoniy tetiklikni saqlash uchun suzish va piyoda yurish, psixikani mustahkamlash uchun muntazam ijtimoiy faollik zarur. Bu fikrlarni Garvard universiteti psixiatri Robert Valdinger aytib oʻtdi.

Mutaxassisning fikriga koʻra, balogʻat yoshida salomatlikni saqlashning asosiy sharti — bu jismoniy faoliyatga eʼtibor qaratgan holda turmush tarzini oʻzgartirish. Shu oʻrinda shifokor suzish yoki yoga, shuningdek, toza havoda muntazam yurishni maslahat berdi. U, shuningdek, ijtimoiy aloqalarga alohida eʼtibor berishni aytdi.

“Ochiq va halol muloqot qilishingiz mumkin boʻlgan odamlar bilan aloqani mustahkamlash muhimdir”, deydi Valdinger.

Bundan tashqari, uning soʻzlariga koʻra, hayotdan maqsadni topish kerak — motivatsiya, ayniqsa, kattalar bolalaridan ajralganidan keyin yolgʻizlik hissi paydo boʻlishining oldini olishga yordam beradi.

Hayot maqsadi sevimli mashgʻulot yoki koʻngilli loyihalarda ishtirok etish orqali shakllanishi mumkin.

Xulosa qilib aytganda, psixoterapevt oʻtmish haqida oʻylamaslikni va oʻz-oʻzini ortiqcha tanqid qilishga yoʻl qoʻymaslikni tavsiya qildi. U muvaffaqiyatsizliklarni hayotning tabiiy qismi sifatida qabul qilish muhimligini taʼkidlaydi.