Sherzod Asadov BBC'ning Yevroosiyo mamlakatlari boʻyicha vakili bilan uchrashuv oʻtkazdi

18:23 28 Noyabr 2025 Siyosat
354 0

Foto: Prezident matbuot xizmati

Prezident Administratsiyasi Kommunikatsiyalar departamentining rahbari – Prezident matbuot kotibi kotibi Sherzod Asadov bugun, 28-noyabr kuni “BBC World News”ning Yevrosiyo mamlakatlari boʻyicha vakili Sergey Stanovkin bilan uchrashuv oʻtkazganini maʼlum qildi.

“Oxirgi uchrashuvimizdan buyon oʻtgan vaqt mobaynida BBC bilan hamkorlikda 10 ga yaqin loyiha amalga oshirildi. Ushbu xorijiy axborot telekanali resurslarida Buxorodagi zamonaviy sanʼat biyennalesi, Samarqanddagi UNESCO Bosh konferensiyasi sessiyasi tadbirlari va Oʻzbekistondagi boshqa muhim voqealar faol yoritib borildi”, deb yozadi Sherzod Asadov.

Uning qoʻshimcha qilishicha, suhbat chogʻida hamkorlikning istiqboldagi rejalari muhokama qilingan. Raqamli davr tahdidlari va sunʼiy intellekt texnologiyalarining jadal tarqalishi sharoitida masʼuliyatli jurnalistikani rivojlantirish alohida ahamiyatga ega ekanini taʼkidlangan.

Shuningdek, jurnalistlarning professional standartlarini yanada mustahkamlash, faktcheking, tahlil koʻnikmalari va media savodxonligini oshirish zarurligi qayd etilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?