Shavkat Mirziyoyevning Chilonzor tumaniga tashrifidan fotoreportaj

23:01 26 May 2023 Siyosat
1687 0

Foto: Xasan Paydoyev / «Xalq so‘zi»

Bugun Prezident Shavkat Mirziyoyev Toshkent shahri Chilonzor tumaniga tashrif buyurib, sanoatda va jamoat transporti sohasida amalga oshirilayotgan loyihalar, mahallalardagi bunyodkorlik ishlari bilan tanishdi.

Ilk manzil Chilonzor sanoat zonasidagi korxonalar bo‘ldi. Davlatimiz rahbari korxonalarning ishlab chiqarish jarayonini ko‘zdan kechirdi. Ularning har biri o‘ziga xos yo‘nalish tanlaganiga e’tibor qaratib, barcha hududlarda shunday korxonalarni tashkil etish zarurligini ko‘rsatib o‘tdi. Yodning aholi salomatligi uchun muhimligini inobatga olib, mamlakatimizda yod bilan boyitilgan oziq-ovqatlarni ko‘paytirish bo‘yicha ko‘rsatma berdi.

Shu yerda Chilonzor tumanida sanoatni rivojlantirish rejalari bo‘yicha taqdimot o‘tkazildi.

Prezident Shavkat Mirziyoyev  “Toshshahartransxizmat” aksiyadorlik jamiyati tizimidagi 7-avtobus saroyini borib ko‘rdi. Davlatimiz rahbari avtobusga o‘tirib, oddiy yo‘lovchilar bilan birga yo‘nalish bo‘ylab yurib ko‘rdi.

Davlatimiz rahbari Toshkent shahridagi 3-Katta Chilonzor mahallasiga tashrif buyurdi. Prezidentimiz shu yerda mahallalar faollari, nuroniylar bilan muloqot bo‘ldi.

Shundan so‘ng prezident Toshkent shahridagi Gʻafur Gʻulom nomidagi madaniyat va istirohat bog‘ida bo‘lib, odamlar bilan suhbatlashdi.

"Xalq so‘zi" fotomuxbiri ushbu jarayonda ishtirok etib, fotojamlanma tayyorladi.

 

 

 

Foto: Xasan Paydoyev / «Xalq so‘zi»

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер