Foto: Prezident matbuot xizmati

Oʻzbekiston Respublikasi Prezidentining Farmoni

Mamlakatlarimiz oʻrtasidagi azaliy doʻstlik va yaxshi qoʻshnichilik munosabatlari hamda strategik sheriklik aloqalarini rivojlantirish, oʻzaro manfaatli hamkorlikni yangi bosqichga koʻtarish borasidagi katta xizmatlari, oʻzining yorqin va betakror isteʼdodi, musiqa va qoʻshiqchilik yoʻnalishidagi sermahsul ijodiy faoliyati bilan madaniyat va sanʼat sohalarida muloqotni kengaytirish, mushtarak tarixiy meros, maʼnaviy qadriyat va anʼanalarimizni asrab-avaylash va boyitishga qoʻshgan munosib hissasi, qardosh xalqlarimiz orasidagi birodarlik rishtalarini mustahkamlash yoʻlidagi ibratli ishlari uchun quyidagilarga faxriy unvonlar berilsin:

“Oʻzbekiston Respublikasi xalq artisti” faxriy unvoni bilan

Omurbayev Nur Santashevich - T.Satilganov nomidagi Qirgʻiz milliy filarmoniyasining estrada-simfonik orkestri badiiy rahbari va bosh dirijyori

“Oʻzbekiston Respublikasida xizmat koʻrsatgan artist” faxriy unvoni bilan

Duyshenbek uulu Zakirbek - Qirgʻiz Respublikasidagi erkin ijodkor, komuz sozandasi

Oʻzbekiston Respublikasi Prezidenti

Sh.Mirziyoyev