Shahram Gʻiyosov va Hasanboy Doʻsmatov jahon chempionatiga boruvchi terma jamoa tarkibiga kiritildi

11:00 11 Oktyabr 2021 Sport
419 0

Joriy yilning 22-oktyabr — 7-noyabr kunlari Serbiyaning Belgrad shahrida boks boʻyicha jahon chempionati boʻlib oʻtadi. Ushbu jahon chempionatida ham Oʻzbekiston milliy terma jamoasi toʻliq tarkib bilan ishtirok etishi kutilmoqda.

Har ikki yilda bir marotaba tashkil etiladigan musobaqaga hamyurtlarimiz ham astoydil tayyorgarlik koʻrishmoqda. Eʼtiborlisi, terma jamoamizning bu tarkibiga Rio olimpiadasi vitse chempioni, 2017-yil Germaniyada oʻtkazilgan jahon chempionati gʻolibi Shahram Gʻiyosov va Olimpiya chempioni Hasanboy Doʻsmatov ham kiritilgan.

Shuningdek, terma jamoaning asosiy tarkibidan Nodirjon Mirzahmedov, Shahobiddin Zoirov, Mirazizbek Mirzahalilov, Abdumalik Xalokov, Mujibullo Tursunov, Asadxoʻja Moʻydinxoʻjayev, Saidjamshid Jafarov, Odiljon Aslonov, Shohjahon Abdullayev, Madiyor Saidrahimov, Lazizbek Mullajonov joy oldi.

Bokschilarimiz bosh murabbiy Marat Qurbonov rahbarligida mashgʻulotlar olib bormoqda. Eslatib oʻtamiz, 2019-yilda tashkil etilgan soʻnggi jahon chempionatida hamyurtlarimiz 3 ta oltin, 1 ta kumush va 1ta bronza medallarini qoʻlga kiritgan holda umumjamoa hisobida 1-oʻrinni qoʻlga kiritgan edi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?