Samarqandda yuk mashinasi yonib ketdi
Videodan kadr: “Xalq soʻzi”
Samarqand viloyati Oqdaryo tumanida “Isuzu” rusumlik yuk mashinasi yonib ketdi. Viloyat FVB holat yuzasidan maʼlumot berdi.
Qayd etilishicha, hodisa bugun, 13-aprel kuni soat 14:15 da Oqdaryo tumani “Kumushkent” MFYdan oʻtuvchi M-39 “Samarqand-Qarshi” avtomagistral yoʻlining 19-kilometrida sodir boʻlgan.
Viloyat FVBga kelib tushgan xabarga koʻra, voqea joyiga 2 ta Yongʻin-qutqaruv ekipaji soat 14:22 da yetib borib, 8 daqiqa ichida yongʻinni bartaraf qilgan.
Aniqlanishicha, “Isuzu FV-10000” rusumli yuk mashinasi Buxoro viloyati Gʻijduvon tumanida yashovchi fuqaroga tegishli boʻlgan. Hodisa oqibatida haydovchi yoki boshqa bir fuqaro tan jarohati olmagan.
Hozirda yongʻin kelib chiqish sababi va yetkazilgan moddiy zarar miqdori aniqlanmoqda.
Shu oʻrinda viloyat FVB barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻragan.
Tavsiya etamiz
Ko‘p o‘qilganlar
- Ehtiyojmand oilalarga elektr va gaz boʻyicha kompensatsiya beriladi
- Tanzila Narbayeva Parlamentlararo ittifoqning 150-yubiley assambleyasi Prezidenti etib saylandi
- Toshkentda Parlament ayol aʼzolari forumining 39-sessiyasi boʻlib oʻtdi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Ayrim oilalarga bir martalik moddiy yordam beriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring