Samarqandda 10 kunda 8 kishi is gazidan zaharlanib, vafot etdi

00:02 28 Oktyabr 2021 Jamiyat
470 0

Bu haqda Pastdargʻom tumani FVB vakili Sirojiddin Abdullayev brifingda maʼlum qildi.

Uning soʻzlariga koʻra, viloyatda shu oʻn kun ichida is gazidan zaharlanish bilan bogʻliq 4 ta holat qayd etilgan.

“Viloyatda is gazidan zaharlanish oqibatida 8 kishi vafot etgan va 1 kishi ogʻir ahvolda shifoxonaga yotqizilgan. Halok boʻlgan 8 nafardan 5 nafari voyaga yetmagan bolalardir”, - dedi u.

Oʻrganishlarda tabiiy gaz tarmogʻiga ulangan qoʻlbola isitish pechining tutun chiqarish moʻrisi tozalanmasdan, kechasi pechni yoqib uxlash oqibatida zaharlanish va oʻlim holati yuzaga kelgani maʼlum boʻlgan.

Ikkita holatda isitish pechining moʻrisidan bahor, yoz davrida in qurgan qushlarning uyasi chiqqan boʻlsa, boshqa holatda moʻri ichiga qushlarning uy qurmasligi uchun latta tiqib qoʻyib, uni olib tashlamasdan, isitish pechidan foydalanilgani aniqlangan.

Oqibatda barcha zaharli gazlar xona ichiga toʻplanib, fuqarolarning oʻlimiga sabab boʻlgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?