Rossiyada Ukraina gerbi aks etgan futbolka kiyib yurgan oʻzbekistonlik jarimaga tortildi
Illyustrativ foto
Moskvada asli oʻzbekistonlik boʻlgan Rossiya fuqarosi Ukraina gerbi tasvirlangan futbolka kiyib, urushni tanqid qilgani uchun jarimaga tortildi. Bu haqda mahalliy Telegram kanallariga tayanib, “Газета.ru” xabar bermoqda.
Maʼlum qilinishicha, 37 yoshli ayblanuvchi Х.А. shu yilning 25-iyun kuni “Kiyev” metrosi bekatida qoʻlga olingan. Aniqlik kiritilishicha, erkakning futbolkasida Ukraina gerbi tasvirlangan boʻlgan. Bundan tashqari, u oʻsha kuni Rossiyaning Ukrainada urush olib borayotganini tanqid qilgan.
Manbaga koʻra, joriy yilning 27-iyun kuni boʻlib oʻtgan sud majlisida Х.А. oʻz aybiga iqror boʻlgan. Sud uni “Rossiya Qurolli kuchlarini obroʻsizlantirish” moddasi boʻyicha aybdor deb topgan va oʻzbekistonlik 50 ming rubl miqdorida jarimaga tortilgan.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Samarqand yana bir nufuzli forumga mezbonlik qiladi
- Yana bir bozor auksionga qoʻyildi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring