Illyustrativ foto

Qozogʻistonlik senator Gennadiy Shipovskix internet-kazinolar va uydirma lotereyalarni reklama qilish orqali noqonuniy ravishda pul ishlab topgan blogerlarga nisbatan jazoni kuchaytirishni taklif qilmoqda. Uning fikricha, jarimalar yordam bermaydi. Blogerlar esa noqonuniy faoliyatdan foyda olishda davom etmoqda, deb yozadi Orda.kz.

Shipovskix paradoksga eʼtibor qaratdi: bir yilda shubhali sxemalar orqali oson pul topishni targʻib qiluvchi blogerlar hissasiga ish oʻrinlari keskin oshgan.

U, ayniqsa, aholiga zarar yetkazuvchi, yoshlar oʻrtasida qimor oʻyinlariga qaramlikni qoʻzgʻatuvchi onlayn kazinolar, uydirma lotereyalar va turli moliyaviy sxemalarni reklama qilishdan xavotirda.

“Joriy yilning oʻzida onlayn kazinolarni reklama qilgan 34 nafar bloger aniqlandi. Ulardan 11 nafari maʼmuriy javobgarlikka tortildi. 23 ta holatda materiallar Madaniyat vazirligiga yuborilgan. Shu bilan birga, baʼzilari huquqbuzarlik qilishda davom etmoqda. Sababi, muntazam jarimalar kerakli toʻxtatuvchi taʼsirga ega emas. Noqonuniy reklama ularga koʻp million dollar foyda keltiradi, bu esa belgilangan maʼmuriy jazo miqdoridan sezilarli darajada oshadi”, — deydi Gennadiy Shipovskix.

Oxirgi 2,5-yil ichida Qozogʻiston Moliyaviy monitoring agentligi 205 ta yashirin kazinoni yopdi, 224 kishi jinoiy javobgarlikka tortildi. Biroq, endi asosiy tahdid xorijiy onlayn kazinolardan keladi.

Faqat bu yilning oʻzida 17 mingdan ortiq havolalar bloklanganiga qaramay, ularning ishi oynali saytlar orqali davom etmoqda.

Senator ijtimoiy tarmoqlarda eng keng tarqalgan aldash usullaridan biriga aylangan uydirma lotereyalar sxemasiga ham eʼtibor qaratdi.

Soxta give(oʻyin)lar qimmatbaho sovgʻalar yoki pul mukofotlarini vaʼda qiladi va ishtirokchilarga turli shartlar taqdim etiladi. Ammo oxir-oqibat, vaʼda qilingan mukofotlar taqdim etilmaydi va faqat obunachilar sonini koʻpaytiradigan sahifalar egalari gʻalaba qozonishadi.

Shunga oʻxshash holat tez daromad olishni vaʼda qiladigan yolgʻon kurslar bilan ham bogʻliq, ular sifatsiz yoki umuman foydasiz boʻlib chiqadi.

Senator muammoga qarshi toʻrtta chora-tadbirlar taklif qildi:

birinchidan, noqonuniy onlayn kazinolar va shubhali givelarni reklama qilganlik uchun hozirda qoʻllaniladigan maʼmuriy jarimalar bilan bir qatorda jinoiy javobgarlik mexanizmini toʻliq tatbiq etish;

ikkinchidan, ijtimoiy tarmoqlardagi lotereyalarning qonuniyligini tekshirish uchun maxsus monitoring tizimini joriy etish;

uchinchidan, litsenziyalashni joriy qilish yoki ularning reklama faoliyatini tartibga solish uchun blogerlarning maxsus reyestrini yaratish;.

toʻrtinchi taklif noqonuniy reklamaga koʻmaklashuvchi toʻlov tashkilotlari va reklama agentliklari faoliyatini monitoring qilish bilan bogʻliq.