Foto: Aqorda

Jahon taekvondo federatsiyasi prezidenti Chungvon Chou Qozogʻiston prezidenti Qosim-Jomart Toqayevga toʻqqizinchi dan qora belbogʻini topshirdi. Marosimda Qozogʻiston yetakchisi ushbu sport turi boʻyicha mahoratini namoyish etib, taxtani urib sindirdi. Ushbu tasvirlar aks etgan videolavha Qozogʻiston rahbari matbuot xizmati tomonidan tarqatildi.

“Prezident mashgʻulotlar taxtasida oʻz imzosini qoldirdi, soʻng Chungvon Chouning iltimosiga koʻra, taekvondo anʼanalariga koʻra, taxtani urib sindirdi”, — deyiladi xabarda.

Qozogʻiston rahbari sindirgan taxtada oʻz dastxati boʻlgan. Eslatib oʻtamiz, taekvondoda toʻqqizinchi dan qora belbogʻ uning egasining eng yuqori darajasining koʻrsatkichidir.

Toqayevning rasmiy tarjimayi holida uning ushbu jang sanʼatiga boʻlgan ishtiyoqi haqida hech qanday maʼlumot yoʻq. U stol tennisi muxlisi hisoblanadi.

Rossiya prezidenti Vladimir Putin ham taekvondo boʻyicha toʻqqizinchi dan qora belbogʻga ega edi. Biroq 2022-yilning mart oyida Jahon taekvondo federatsiyasi Rossiya va Belarusda musobaqalar oʻtkazishni taqiqlab, Rossiya yetakchisidan faxriy belbogʻini qaytarib olgandi.