Qonunchilik palatasi deputati Ikkinchi jahon urushida halok boʻlganlar xotirasiga bagʻishlab qoʻshiq yaratdi

21:39 07 May 2020 Madaniyat
2005 0

9-may — Xotira va qadrlash kuni mamlakatimizda keng nishonlanadi. Koʻplab ijodkorlar oʻzlarining chuqur va taʼsirchan asarlarini ushbu sanaga bagʻishlaydi. Fashizm ustidan qozonilgan Buyuk Gʻalabaning 75 yilligiga bagʻishlangan “Kabutar“ nomli qoʻshiq shoir Muhiddin Omon soʻzlariga yaratildi. Qoʻshiqning musiqasi Oliy Majlis Qonunchilik palatasi deputati, kompozitor Oydin Abdullayeva qalamiga mansub. 

Oydin Abdullayeva — 4-chaqiriq Oʻzbekiston Respublikasi Oliy Majlisi Qonunchilik palatasining Fan, taʼlim, madaniyat va sport masalalari qoʻmitasining aʼzosi. U bir qator simfonik, cholgʻu asarlar, shuningdek, kino va teatr uchun yozilgan musiqalar muallifidir.

Zulfiya nomidagi Davlat mukofoti sovrindori (2000), “Yilning eng yaxshi bastakori“ nominatsiyasida “Ehtirom-2015“ mukofoti sovrindori.

Parlament faoliyatida Oydin Abdullayeva yoshlarni qoʻllab-quvvatlash, milliy madaniyatni rivojlantirish masalalari bilan shugʻullanadi. Madaniyat sohasida mualliflik huquqini himoya qilishga qaratilgan bir qator qonun loyihalarining muallifi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?