Qisqa muddatli oʻquv kurslari nima uchun kerak?

12:08 18 Yanvar 2021 Jamiyat
577 0

— Ikki yildan buyon santexnik vazifasida mijozlarga xizmat koʻrsatib kelmoqdaman, — deydi Marhamat tumanida istiqomat qiluvchi Bahromjon Xolmirzayev. — Bu sohada oʻqimagan boʻlsam ham ustozlardan dars olganman. Biroq shunday holatlar yuzaga keldiki, bajargan ishimni takror bajarishimga toʻgʻri keldi. Boisi, men amalga oshirayotgan ishimning sababi va natijasini bilmasdim. Ustozlar nimani koʻrsatgan boʻlsa shuni tushunib-tushunmay bajarib kelganman. Qisqa muddatli oʻquv kursida tahsil olish davomida har bir amalning avval sababini oʻrganish, keyin uni bajarish kerakligini tushundim. Tengdoshlarimga biror kasb-hunarni oʻrganmoqchi boʻlishsa albatta, nazariy bilimga ham ega boʻlish kerakligini maslahat beraman.

Tumandagi qisqa muddatli 2-kasb-hunar maktabida Bahromjon tengi 98 nafar yigit-qizlar elektropayvandchi, elektromontyor, santexnik, oshpazlik va tikuvchilik sir-sinoatlarini oʻrganmoqdalar. Ularning 30 foizi 30 yoshdan ortganligini inobatga olsak, taʼlim olishning erta-kechi yoʻqligiga amin boʻlamiz.

Saminjon HUSANOV,
“Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?