Qashqadaryoda hokim oʻrinbosari xizmat avtomashinasida fuqaroni urib yubordi

12:17 08 Avgust 2022 Jamiyat
668 0

Qashqadaryo viloyati Nishon tumani hokimining birinchi oʻrinbosari Erkin Boboqulov xizmat avtomashinasida 49 yoshli fuqaroni urib yuborib, uning oʻlimiga sabab boʻldi. Bu haqda “Nasaf News” xabar berdi.

Xabarda keltirilishicha, voqea joriy yilning 30-iyul kuni soat tungi 23:50 da sodir boʻlgan. Shu kuni soat 23:50 larda, “Yangi Nishon” MFYda yashovchi Nishon tumani hokimining 1-oʻrinbosari, 1969-yilda tugʻilgan Erkin Boboqulov oʻzining boshqaruvida boʻlgan “Gentra” rusumli avtomashinasini Qarshi shahar Katta halqa yoʻli boʻylab, Nishon tumanidan Chiroqchi tumani tomon boshqarib ketayotgan vaqtida yoʻlda unga notanish boʻlgan fuqaroni urib yuborib, YTH sodir etgan. Jabrlanuvchi vafot etgan.

Xabarda yoʻlovchi mast holatda boʻlganini, toʻydan juda koʻp miqdorda spirtli ichimlik isteʼmol qilib yoʻlga chiqqani aytilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?