Qashqadaryo teatrida turkiyaliklar bilan hamkorlikda Gogolning “Tentakning nomalari” asari sahnalashtirilmoqda
Qashqadaryo viloyat musiqali drama teatrida Turkiyaning Istanbul —Maltepa teatri ijodkorlari bilan hamkorlikda Gogolning “Telba nomalari” tragikomediyasi sahnalashtirilmoqda.
Atoqli rus adibi N. Gogolning “Tentakning nomalari” satirik qissasi asosida Istanbul — Maltepa teatri bosh rejissyori Kubilay Erdelikara tomonidan sahnalashtirilgan tragikomediya janridagi insenirovka qahramoni Popreshchinning taqdiri paradoks tarzida namoyon boʻladi.
— Spektaklda insonlarni minglab tuygʻular boshqarishi, oqibatda bu tuygʻular kishilarni esdan ogʻdirish darajasida asir etishi majoziy timsollar orqali aks ettiriladi,— deydi Qashqadaryo viloyat musiqali drama teatri badiiy boʻlim boshligʻi Shodiya Xudoynazarova. — Tomosha davomida qalb va tasavvur oyinangizda bir vaqtning oʻzida muhabbat va nafrat, qoʻrquv va jasorat, hayajon va hissizlik, orzu-umid va armon, sadoqat va xiyonat, martaba va xoʻrlik, maqtov va tahqir, boylik va kambagʻallik, baxt va baxtsizliklar aro ayovsiz kurash ketadi. Bu sahna asari qashqadaryolik tomoshabinlarga manzur boʻladi, degan umiddaman.
Turk rejissyorlari bilan hamkorlikda yaratilgan mazkur spektaklning dastlabki kungi namoyishi 12-may kuni Qashqadaryo viloyat musiqali drama teatrida boʻlib oʻtadi. Eng muhimi, bu sahna asari ikki xalq oʻrtasidagi madaniy aloqalarni yana-da mustahkamlashga xizmat qilishi shubhasizdir.
Faxriddin Bozorov,
“Xalq soʻzi”
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring