“Qamchiq” dovonida YTHga uchragan haydovchi qutqarildi
“Qamchiq” dovonida “Honda” avtomobili kyuvet (xandaq)ga tushib ketdi. Bu haqda Favqulodda vaziyatlar vazirligi axborot xizmati xabar berdi.
Qayd etilishicha, kecha, 1-aprel kuni A-373 “Toshkent-Oʻsh” avtomobil yoʻlining “Qamchiq” dovoni qismida “Toshkent-Vodiy” yoʻnalishida harakatlangan “Honda” avtomobilining haydovchisi boshqaruvni yoʻqotib yoʻl chetidagi toʻsiqqa urilishi oqibatida uni kesib oʻtgan va kyuvet (xandaq)ga tushib ketgan. Shundan soʻng hodisa boʻyicha “Qamchiq” maxsus-qidiruv, yongʻin-qutqaruv boshqarmasiga xabar berilgan.
Shunga asosan, zudlik bilan voqea joyiga qutqaruv otryadi hamda YPX xodimlari yetib borib, maxsus texnika va asbob-anjomlar yordamida avtomobilni xavfsiz hududga olib chiqqan. Avtomobilda haydovchining faqat oʻzi boʻlgan.
“Hodisa oqibatida tan jarohati olganlar yoʻq”, deyiladi xabarda.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring