Oʻzbekiston Respublikasi Prezidenti Administratsiyasida qator tayinlovlar amalga oshirildi. Bu haqda Prezident matbuot kotibi Sherzod Asadov maʼlum qildi.

Bildirilishicha, Prezidenti Administratsiyasining farmoyishi bilan:

Qobuljon Xoliqovich Ahmedov Oʻzbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazi direktori lavozimiga tayinlandi. U bungacha “MY5” telekanalining bosh direktori boʻlgan, tayinlovga qadar MTRKning “Yoshlar” ijodiy birlashmasi direktori lavozimini egallab kelgan.

Husan Ravshanovich Salixov Oʻzbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazi direktori oʻrinbosari lavozimiga tayinlandi. Husan Salixov – taniqli rejissyor, tayinlovga qadar Prezident Matbuot xizmatining Media markaziga rahbarlik qilgan.

Jahongir Muhammadali oʻgʻli Abdurahmonov Oʻzbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazi direktori oʻrinbosari lavozimiga tayinlandi. Abdurahmonov mazkur tayinlovga qadar Prezident Matbuot xizmatida bosh konsultant lavozimini egallab kelgan, bundan avval “UZREPORT” telekanalida shef-muharrir boʻlgan.