Foto: Yunus Bo'riyev / «Xalq so‘zi»

150-yubiley Assambleyasi doirasida tashkil etilgan inson huquqlari himoyasi borasidagi davra suhbatida Markaziy Osiyo mamlakatlari parlamentlari aʼzolari inson huquqlarini himoya qilish masalalarini muhokama qildilar. Asosiy eʼtibor BMT Bola huquqlari toʻgʻrisidagi konvensiyasini amalga oshirishda parlamentlarning oʻrni va ahamiyatiga qaratildi.

Bundan tashqari anjuman ishtirokchilari Jahon sogʻliqni saqlash kuni munosabati bilan Toshkent shahridagi 7-sonli oilaviy poliklinika faoliyati bilan ham tanishdilar.

Tadbirda Jahon sogʻliqni saqlash tashkiloti (JSST), YUNISEF va PMNCH (Ona, bola va oʻsmirlar salomatligini muhofaza qilish hamkorligi) vakillari ham qatnashdilar. Oʻzbekistonda sogʻlom avlodni tarbiyalash yoʻlida sogʻliqni saqlash tizimidagi islohotlar, JSST va YUNISEF bilan amalga oshirilayotgan qoʻshma loyihalar haqida fikr yuritildi.

Shuningdek, “Yangi Oʻzbekiston davri: islohotlar va istiqbollar” mavzusidagi media-tadbirlar dasturiga binoan “Millat salomatligi: Oʻzbekistonda sogʻliqni saqlash va sport sohalarida innovatsiyalar va islohotlar”, “Birdamlik yoʻli: millatlararo totuvlik, diniy bagʻrikenglikni taʼminlash borasida Oʻzbekiston tajribasi” mavzularida yigʻilishlar ham oʻtkazildi. Unda Assambleya mehmonlari, spikerlar va OAV vakillari ishtirok etdilar.

                                                                                                                                                                                                 “Xalq soʻzi”.