Foto: Yunus Boʻriyev/“Xalq soʻzi”

Parlament aʼzolari siyosatni ishlab chiqish, ustuvorliklarni belgilash va Barqaror rivojlanish maqsadlariga (BRM) erishishga hissa qoʻshadigan kuchli qonunchilik bazasini yaratish vakolatiga ega. Bundan tashqari, ular ayollarning iqtisodiy imkoniyatlarini kengaytirish va ularga gʻamxoʻrlik qilish boʻyicha xizmatlar bilan bogʻliq qonunchilikka rioya etilishini nazorat qilish, hukumatni ichki va xalqaro miqyosda javobgarlikka tortish uchun masʼuldirlar. Oliy qonun chiqaruvchi organning hurmatli aʼzolari sifatida ular jamiyatning barcha qatlamlarini, jumladan, xotin-qizlarni, ayniqsa, vakillanmagan yoki chetda qolib ketganlarni qamrab olish tarafdori boʻlishi mumkin boʻlgan oʻziga xos mavqega ega.

Hozirgi kunda ham global miqyosda, ham Osiyo qitʼasi mamlakatlarining milliy strategiyalari doirasida parlament tashabbuslari orqali xotin-qizlarning iqtisodiy hayotdagi faolligini oshirishga qaratilgan muhim yutuqlarga erishilmoqda. Bu, ayniqsa, Osiyo qitʼasida xotin-qizlarning koʻrsatadigan haq toʻlanmaydigan mehnatini yengillashtirish va adolatli taqsimlash majburiyatini tan oladigan siyosat va iqtisodiy paradigmalarni ilgari surishni oʻz ichiga oladi. Bu 2030-yilgi kun tartibiga qatʼiy rioya qilish va uning 17 maqsadiga erishishga, jumladan, ayollarning iqtisodiy ahvolini yaxshilash, ularning iqtisodiy imkoniyatlarini kengaytirish, jamiyatning siyosiy, iqtisodiy va ijtimoiy hayotida faol ishtirok etishiga koʻmaklashish, gʻamxoʻrlik ishlariga sarmoya kiritish, ularni murakkab iqtisodiy, moliyaviy va ijtimoiy muammolarni hal qilishga jalb etishga, qolaversa davlat va xususiy sektorda gender muvozanatini taʼminlashga poydevor boʻlib xizmat qiladi.

Foto: Yunus Boʻriyev/“Xalq soʻzi”