Oʻzboshimcha fuqarolar sabab jamiyat va davlat manfaatlariga 270 million soʻmdan ortiq zarar yetkazildi
Bosh prokuratura huzuridagi Departamentning Ishtixon tumani boʻlimi tomonidan tezkor tadbir oʻtkazildi, deb xabar bermoqda Iqtisodiy jinoyatlarga qarshi kurashish departamenti.
Maʼlum boʻlishicha, oʻtkazilgan tergovga qadar tekshiruv davomida fuqaro Gʻ.T. “Ishtixon” MFY hududidagi noturar binoda tabiiy gaz tarmogʻiga oʻzboshimchalik bilan ulanib, 128,7 million soʻmlik tabiiy gazdan noqonuniy foydalanganligi aniqlangan.
Shu kabi yana bir holat departamentning Nurobod tumani boʻlimi tomonidan oʻtkazilgan tergovga qadar tekshiruvda ham aniqlangan.
Unga koʻra, fuqaro B.S. “Nurdum” MFY hududidagi xonadonida elektr tarmogʻiga tijorat maqsadida oʻzboshimchalik bilan ulanib, 144,9 million soʻmlik elektr energiyasidan noqonuniy foydalanganligi fosh qilingan.
Hozirda mazkur holatlar yuzasidan Jinoyat kodeksining 169-moddasi (oʻgʻrilik) bilan jinoyat ishlari qoʻzgʻatilib, tergov harakatlari boshlab yuborilgan.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Sardobaning siri nimada?
- Toshkentda “Iqtisodiyot va biznes boshqaruvi sohalarida ilgʻor tadqiqotlar” mavzusidagi xalqaro ilmiy simpozium oʻtkazildi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring