Oʻzbekistonning Shri-Lankadagi elchisi tayinlandi
Oʻzbekistonning Shri-Lankaga yangi tayinlangan favqulodda va muxtor elchisi (qarorgohi Islomobod shahrida joylashgan) Alisher Toʻxtayev mamlakat davlat protokoli rahbari Rohana Ambagollaga ishonch yorligʻi nusxalarini topshirdi. Bu haqda “Dunyo” axborot agentligi xabar qildi.
Rohana Ambagolla mazkur qadam ikki mamlakat oʻrtasidagi doʻstona munosabatlarni mustahkamlash yoʻlidagi muhim siyosiy qaror boʻlib, oʻzaro hamkorlikka yangi surʼat bagʻishlashini taʼkidladi.
“Shri-Lankaning Oʻzbekiston bilan yangi formatdagi hamkorlikka ochiqligi tasdiqlandi hamda prezident Shavkat Mirziyoyevning global Janub bilan yaqinlashish, oziq-ovqat xavfsizligi va mintaqaviy oʻzaro bogʻliqlikni mustahkamlash boʻyicha tashabbuslari yuqori baholandi”, — deyiladi xabarda.
Uchrashuvda ikki mamlakat oʻrtasida iqtisodiy diplomatiyani rivojlantirish masalalari, oʻzaro savdo-iqtisodiy aloqalarning istiqbollari yuzasidan atroflicha fikr almashildi. Ikki tomonlama savdo aylanmasining hozirgi hajmi qoniqarsiz ekani qayd etilib, ushbu koʻrsatkichni yaqin istiqbolda 50 mln dollarga yetkazish uchun aniq choralarni koʻrishga kelishib olindi.
Eksport va import suratlarini oshirish uchun transport va logistika yechimlarini birgalikda ishlab chiqish, axborot texnologiyalaridan unumli foydalangan holda onlayn platforma va dasturlarni ishlab chiqish hamda yoʻlga qoʻyish masalalari xususida fikr almashildi.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring