2025-yil yanvar-sentyabr oylarida Oʻzbekistonning import hajmi 33,1 mlrd AQSH dollariga yetgan. Bu haqida Milliy statistika qoʻmitasi maʼlumot berdi.

Bildirilishicha. import tarkibida eng katta ulush mashinalar va transport asbob-uskunalari, sanoat tovarlari hamda kimyoviy vositalar va shunga oʻxshash mahsulotlar hisobiga toʻgʻri keladi.

Oʻzbekiston import qilayotgan mahsulotlar tarkibi quyidagicha taqsimlangan:

• Mashinalar va transport asbob-uskunalari — 11,2 mlrd dollar (33,9 foiz);
• Sanoat tovarlari — 5,3 mlrd dollar (15,9 foiz);
• Kimyoviy vositalar va shunga oʻxshash mahsulotlar — 4,1 mlrd dollar (12,3 foiz);
• Xizmatlar — 3,6 mlrd dollar (11 foiz);
• Oziq-ovqat mahsulotlari va tirik hayvonlar — 3,1 mlrd dollar (9,3 foiz);
• Mineral yoqilgʻi, moylash materiallari va shunga oʻxshash — 2,6 mlrd dollar (7,9 foiz);
• Turli xil tayyor buyumlar — 1,2 mlrd dollar (3,7 foiz);
• Nooziq-ovqat xomashyo (yoqilgʻidan tashqari) — 1,1 mlrd dollar (3,3 foiz);
• Hayvon va oʻsimliklar moylari (yogʻlari), yogʻlar va mumlar — 387,5 mln dollar (1,2 foiz);
• Ichimliklar va tamaki — 251 mln dollar (0,8 foiz);
• Boshqa tovarlar — 229,7 mln dollar (0,7 foiz).

Qoʻmita maʼlumotlariga koʻra, ushbu koʻrsatkich 2024-yilning mos davriga nisbatan 15,6 foizga oʻsgan.