2025 йил январь-сентябрь ойларида Ўзбекистоннинг импорт ҳажми 33,1 млрд АҚШ долларига етган. Бу ҳақида Миллий статистика қўмитаси маълумот берди.

Билдирилишича. импорт таркибида энг катта улуш машиналар ва транспорт асбоб-ускуналари, саноат товарлари ҳамда кимёвий воситалар ва шунга ўхшаш маҳсулотлар ҳисобига тўғри келади.

Ўзбекистон импорт қилаётган маҳсулотлар таркиби қуйидагича тақсимланган:

• Машиналар ва транспорт асбоб-ускуналари — 11,2 млрд доллар (33,9 фоиз);
• Саноат товарлари — 5,3 млрд доллар (15,9 фоиз);
• Кимёвий воситалар ва шунга ўхшаш маҳсулотлар — 4,1 млрд доллар (12,3 фоиз);
• Хизматлар — 3,6 млрд доллар (11 фоиз);
• Озиқ-овқат маҳсулотлари ва тирик ҳайвонлар — 3,1 млрд доллар (9,3 фоиз);
• Минерал ёқилғи, мойлаш материаллари ва шунга ўхшаш — 2,6 млрд доллар (7,9 фоиз);
• Турли хил тайёр буюмлар — 1,2 млрд доллар (3,7 фоиз);
• Ноозиқ-овқат хомашё (ёқилғидан ташқари) — 1,1 млрд доллар (3,3 фоиз);
• Ҳайвон ва ўсимликлар мойлари (ёғлари), ёғлар ва мумлар — 387,5 млн доллар (1,2 фоиз);
• Ичимликлар ва тамаки — 251 млн доллар (0,8 фоиз);
• Бошқа товарлар — 229,7 млн доллар (0,7 фоиз).

Қўмита маълумотларига кўра, ушбу кўрсаткич 2024 йилнинг мос даврига нисбатан 15,6 фоизга ўсган.