Mamlakatimizda 4 ta quyosh fotoelektr stansiyalari qurilishi evaziga atmosferaga tashlanmalar sezilarli darajada kamayadi.

2023-yilning yakuniga qadar umumiy quvvati 1 096,6 MVt boʻlgan 4 ta quyosh fotoelektr stansiyalari ishga tushiriladi.

Xususan, Jizzax va Samarqand viloyatlarida har birining quvvati 220 MVt boʻlgan 2 ta hamda Surxondaryo viloyatida quvvati 456,6 MVt boʻlgan quyosh fotoelektr stansiyasi quriladi. Shuningdek, Navoiy viloyatida quvvati 200 MVt boʻlgan yana bitta quyosh fotoelektr stansiyasi ishga tushirilishi nazarda tutilmoqda.

Maʼlumki, 2021-yilning avgust oyida Navoiy viloyatining Karmana tumanida respublikadagi birinchi 100 MVt quvvatli quyosh fotoelektr stansiyasi ishga tushirilib, buning natijasida yiliga 80 mln metr kub tabiiy gaz iqtisod qilinishi evaziga atmosferaga 160 ming tonnaga yaqin bugʻ gazlari tashlanishining oldi olinmoqda.

Taʼkidlash joizki, respublikada yiliga qariyb 1,0 mln tonna tashlanmalar turgʻun manbalardan atmosferaga tashlanib, umumiy tashlanmalarning 20 foizdan ortigʻi energetika sohasiga toʻgʻri keladi.