Oʻzbekiston, Qirgʻiziston va Qozogʻiston Venada qanday kelishuvga erishdi?
Avstriyaning Vena shahrida Jahon banki guruhi koʻmagida Qirgʻiz Respublikasi Vazirlar Mahkamasi tomonidan tashkil etilgan “Qirgʻiz Respublikasi Xalqaro energetika investitsiya forumi”ning birinchi kuni boʻlib oʻtdi. Unda Oʻzbekiston Energetika vaziri Joʻrabek Mirzamahmudov ham ishtirok etmoqda.
“Oʻzbekiston, Qirgʻiziston va Qozogʻiston “Qambarota GES-1” qurilishiga tayyorgarlik koʻrishni boshlash boʻyicha kelishuv imzoladi", deb yozmoqda Oʻzbekiston Energetika vazirligi matbuot xizmati.
Uch mamlakatning energetika boʻyicha masʼullari 10-iyun kuni Vena shahrida boʻlib oʻtgan forumda yashil energiya sohasidagi hamkorlikni rivojlantirishga bagʻishlangan kelishuvni imzolagan.
Qayd etilishicha, “Qambarota GES-1” loyihasini muhokama qilishdan asosiy maqsad Markaziy Osiyoda toza energiyaga oʻtishni jadallashtirish boʻyicha salohiyatni namoyish etishdan iborat.
Forumda sohaning 200 nafarga yaqin vakillari ishtirok etmoqda. Xususan, Qirgʻiziston, Qozogʻiston, Oʻzbekiston, Tojikiston, Avstriya, Fransiya, Saudiya Arabistoni, Birlashgan Arab Amirliklari, Buyuk Britaniya davlatlaridan kelgan vakillar, Yevropa Ittifoq hamda bir qator xalqaro moliya institutlari mutasaddilari ham qatnashyapti.
“Qambarota GES-1” loyihasi Qirgʻiziston tashabbusi bilan amalga oshirilmoqda. Oʻzbekiston va Qozogʻiston loyihaga oʻtgan yili qoʻshilgan edi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring