Oʻzbekiston Prezidentining 14-yanvar — Vatan himoyachilari kuni munosabati bilan bir qator muassasalarga tashrifi jarayonlaridan “Xalq soʻzi” muxbiri fotoreportaji

00:15 14 Yanvar 2023 Siyosat
2201 0

Foto: Hasan Paydoyev / “Xalq soʻzi”

Joriy yilning 13-yanvar kuni Mudofaani boshqarish milliy markazida Oʻzbekiston Respublikasi Prezidenti, Qurolli Kuchlar Oliy Bosh Qoʻmondoni Shavkat Mirziyoyev raisligida Xavfsizlik kengashining kengaytirilgan yigʻilishi boʻlib oʻtdi.

Foto: Hasan Paydoyev / “Xalq soʻzi”

Unda Xavfsizlik kengashi aʼzolari, Qurolli Kuchlarimizning qoʻmondonlik tarkibi, harbiy-maʼmuriy sektorlar rahbarlari, davlat va jamoat tashkilotlari vakillari ishtirok etdi.

Foto: Hasan Paydoyev / “Xalq soʻzi”

Yigʻilishda mamlakatimiz mudofaasi va xavfsizligini mustahkamlash boʻyicha 2022-yilda amalga oshirilgan ishlar tahlil qilindi.

Foto: Hasan Paydoyev / “Xalq soʻzi”

Undan soʻng Prezident Shavkat Mirziyoyev 13-yanvar kuni Mudofaa vazirligining Markaziy harbiy klinik gospitalini borib koʻrdi.

Foto: Hasan Paydoyev / “Xalq soʻzi”

Ilgari bu shifoxonaning binolari ham, ish uslubi ham eski edi. Davlatimiz rahbari 2018-yilda bu yerga kelib, uni rekonstruksiya qilish va zamonaviy jihozlash boʻyicha topshiriqlar bergan edi. Shu asosida katta hajmdagi qurilish-taʼmirlash ishlari bajarildi. Tibbiy uskuna va jihozlar yangilandi. Boshqaruvda klinik menejment joriy etildi.

Foto: Hasan Paydoyev / “Xalq soʻzi”

Gospital jami 700 oʻringa moʻljallangan boʻlib, bu yerda harbiy xizmatchilar, ularning oila aʼzolari, soha faxriylari bepul davolanadi. Shuningdek, boshqa bemorlarga ham pullik xizmat koʻrsatiladi. Buning uchun 286 xil diagnostik tekshiruv, 600 dan ortiq amaliyotlar yoʻlga qoʻyilgan, 30 ga yaqin ixtisoslashgan boʻlimlar tashkil etilgan.

Foto: Hasan Paydoyev / “Xalq soʻzi”

Oʻzbekiston Respublikasi Prezidentining 12-yanvardagi farmonlariga muvofiq, mamlakatimiz Qurolli Kuchlari tashkil etilganining 31 yilligi hamda Vatan himoyachilari kuni munosabati bilan harbiy xizmatchilar va huquqni muhofaza qilish organlarining bir guruh xodimlari harbiy unvonlar, orden va medallar bilan taqdirlangan edi.

Foto: Hasan Paydoyev / “Xalq soʻzi”

Tashrif davomida Prezident Administratsiyasida ushbu yuksak mukofotlarni topshirish marosimi boʻldi.

Foto: Hasan Paydoyev / “Xalq soʻzi”

Oʻzbekiston Respublikasi Prezidenti, Qurolli Kuchlar Oliy Bosh Qoʻmondoni Shavkat Mirziyoyev barcha harbiy xizmatchilarni va soha faxriylarini mazkur shonli sana bilan tabrikladi.

Foto: Hasan Paydoyev / “Xalq soʻzi”

Bu yilgi tantanali tadbir yana jihati bilan esda qolarli boʻldi. Maʼlumki, Amir Temur bobomiz bironta jangda yengilmagan, Sohibqironning bayrogʻi hamisha baland hilpirab turgan. U bugungi avlodlar uchun qatʼiyat, harbiy mahorat, gʻurur va iftixor timsolidir.

Foto: Hasan Paydoyev / “Xalq soʻzi”

Shu bois Prezidentimiz tashabbusi bilan armiya tizimida “Amir Temur jangovar bayrogʻi” mukofoti taʼsis etildi. Bu borada oʻtkazilgan tanlovda Markaziy harbiy okrug gʻolib boʻldi.

Foto: Hasan Paydoyev / “Xalq soʻzi”

Marosimda ushbu okrug qoʻmondoniga ilk bor “Amir Temur jangovar bayrogʻi” tantanali ravishda topshirildi.

Foto: Hasan Paydoyev / “Xalq soʻzi”

Mukofotlanganlar nomidan soʻzga chiqqanlar yuksak ishonch va eʼtibor uchun davlatimiz rahbariga minnatdorlik bildirdi.

Foto: Hasan Paydoyev / “Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?