Ozarbayjon — Eron chegarasidagi Araz daryosida yangi «Xudaferin» va “Qiz qalʼasi” GESlari sinov tarzida ishga tushirildi. Bu haqda Ozarbayjon Respublikasi energetika vaziri Parviz Shaxbazovning xabariga tayanib, «Oʻzbekgidroenergo» AJ axborot xizmati maʼlum qildi.

Xabarda aytilishicha, Eron va Ozarbayjon hukumatlari Araz daryosidagi “Qiz qalʼasi” (Qız Qalası) hamda «Xudaferin» (Xudafərin) GESlari qurilishini davom ettirish boʻyicha kelishuvga erishgan edi.

Taʼkidlash joizki, Ozarbayjon — Eron chegarasidagi Araz daryosida qurilgan «Xudaferin» va “Qiz qalʼasi” GESlarining toʻliq quvvatlarda ishga tushirilishi yiliga 716 mln. kVt/soat elektr energiyasi ishlab chiqarish imkonini beradi.

Hozirda Eron bilan Araz daryosining suv-energetika resurslaridan birgalikda foydalanish boʻyicha hamkorlikda gidroenergetika inshootlari qurish borasida amaliy ishlar olib borilmoqda. GESlar yiliga 716 mln. kVt/soat elektr energiyasi ishlab chiqarish imkoniyatiga ega.

Energetika vazirligi maʼlumotlariga ko‘ra, ushbu loyihalarni amalga oshirish Ozarbayjonga 252 ming gektar mavjud maydonni sug‘orish tizimini yaxshilash va 8 ming gektar yangi ekin maydonlarini sug‘orish tizimini yo‘lga qo‘yish imkonini ham beradi.