Ayrim kasalliklarga moyillik qon guruhiga bogʻliq boʻlishi mumkin. Xuddi shunday xulosaga shved olimlari tomonidan oʻtkazilgan tadqiqot yakunida kelindi.

Tadqiqot natijalari haqida batafsil “eLife” ilmiy jurnalida material chop etilgan.

Tadqiqotchilar besh million bemorning tibbiy maʼlumotlarini oʻrganib chiqishgan. Natijada ular maʼlum qon guruhlaridagi odamlarda koʻp uchraydigan 49 ta kasallikni aniqlashgan.

Olimlar ikkinchi qon guruhi boʻlgan odamlar koʻpincha qon quyuqlashishi — trombozdan, birinchisi esa qonning ivishi kasalligidan azob chekishini aniqlaganlar. Shu bilan birga, birinchi qon guruhi va ijobiy rezus-omiliga ega boʻlgan ayollar homiladorlik paytida koʻpincha gipertoniya bilan ogʻriganligi maʼlum boʻlgan.

Tadqiqotchilarning xulosalariga koʻra, uchinchi qon guruhi uning egasida buyrak toshlari paydo boʻlish xavfini kamaytiradi.

Mualliflar olingan natijalarni ilmiy asoslash uchun qoʻshimcha tadqiqotlar oʻtkazish kerakligini taʼkidlashgan.