Foto: www.google.com

Bostondagi Brigam shifoxonasi olimlari uzoq umr koʻrishning yangi usulini eʼlon qilishdi. Maʼlum boʻlishicha, qon bosimini boshqarish orqali hayotni uch yilga uzaytirish mumkin ekan.

Tadqiqotda 50 yoshdan oshgan 9 000 kishi ishtirok etdi. Ular diabet rivojlanish xavfi yuqori boʻlgan odamlar edi. Koʻngillilarda 130 dan 180 millimetr (simob ustuni)gacha yuqori qon bosimi boʻlganligi qayd etildi. Ishtirokchilar ikki guruhga boʻlinishdi.

Shifokorlar birinchi guruhda bosimni 120 mm (simob ustuni)ga, ikkinchi guruhda esa 140 mm (simob ustuni)gacha kamaytirishga harakat qilishdi va qatnashchilarni uch yil davomida kuzatishdi.

Natijada shifokorlar agar odamlar umrining qolgan qismida antigipertenziv davolashni davom ettirishsa va qon bosimini 120 mm ga tushirishni amalga oshira olishsa, hayotiga olti oydan uch yilgacha umr qoʻshishlari mumkinligini qayd etishdi. Bu qiymat odamning yoshiga ham bogʻliq. Shu bois terapiya qanchalik tez boshlansa, shunchalik uzoq umr koʻrilar ekan.