Xalqaro press-klubning “Davlat dasturi loyihasining davlat va jamiyat qurilishi tizimini takomillashtirish, sud-huquq sohasini isloh qilish, xavfsizlikni, millatlararo totuvlik va diniy bagʻrikenglikni taʼminlash hamda tashqi siyosat sohalaridagi dolzarb tadbirlari mazmun-mohiyatiga bagʻishlangan sessiyasi boʻlib oʻtdi.

Unda Oliy Majlisning yuqori va qoʻyi palata, Bosh prokuratura, IIV vakillari ishtirok etishdi.

Quyida muhokama qilingan mavzular boʻyicha mutasaddilar tomonidan bildirilgan ayrim fikrlarni keltirib oʻtamiz.

Jahongir Shirinov, Oʻzbekiston Respublikasi Oliy Majlisi Qonunchilik palatasi qoʻmita raisi:

— Parlament nazoratiga asosan ilgari hukumat vakili hisoboti eshitilar edi. Endi boshqa organlar va palata rahbarlarining ham hisoboti eshitiladi.

Aziz Ikramov, Oʻzbekiston Respublikasi Ichki ishlar vaziri oʻrinbosari:

— Respublika boʻyicha yoʻl-transport hodisalarini nazorat qiluvchi 3 ming nafardan ziyod xodimlar bor. Kelgusida zamonaviy raqamli texnikalardan foydalanish evaziga ular sonining kamayishiga erishiladi.

... Respublika boʻylab 10 kun davomida 143 ta yoʻl-transport hodisasi sodir boʻlgan va 41 ta oʻlim holati qayd etilgan

Xolmoʻmin Yodgorov, Oʻzbekiston Respublikasi Oliy sudi raisi oʻrinbosari:

— Statistik maʼlumotlarga qaraganda keyingi vaqtda Oʻzbekistonda oʻgʻrilik va firibgarlik jinoyatlari koʻpaygan. Hatto bu jinoyatlarni oʻziga kasb qilib olgan shaxslar bor.

... Bugun sud amaliyotiga prokuratura, ichki ishlar va boshqa xavfsizlik xizmatlari tomonidan mutlaqo aralashuv yoʻq.