Nikolya Sarkozi qamoqdan sud nazorati ostida ozod etiladi
Fransiyaning sobiq prezidenti Nikolya Sarkozining qamoqdan ozod qilinishi va sud nazoratiga oʻtkazilishi haqidagi advokatlar arizasi Parij apellyatsiya sudi tomonidan qondirildi, deb xabar berdi “DW”.
Maʼlumotlarga koʻra, ozod qilingach, saylovoldi kampaniyasini noqonuniy moliyalashtirgani uchun jazo olgan sobiq prezident elektron bilaguzuk taqib yurishi shart. Unga oʻz ishi boʻyicha ayblanuvchilar va guvohlar bilan muloqot qilish qatʼiyan taqiqlanadi.
Sud majlisida videoqatnashuv orqali soʻz olgan Sarkozi qamoqdagi sharoitni “juda ogʻir va har tomonlama charchatuvchi” deb atadi.
Nikolya Sarkozi 2007–2012-yillarda Fransiya prezidenti lavozimini egallagan. Unga nisbatan tergov 2013-yilda boshlangan. Sud siyosatchining prezidentlik kampaniyasi Liviya hukumati tomonidan noqonuniy moliyalashtirilganini aniqlagan.
Sentyabrda sud Sarkozini 5 yil ozodlikdan mahrum qilish jazosiga hukm qilgan edi. U 21-oktyabrdan beri Parijdagi “Sante” qamoqxonasida jazo oʻtayotgan edi.
Tavsiya etamiz
Ko‘p o‘qilganlar
- Prezident Oʻzbekiston bojxona sohasi xodimlariga tabrik yoʻlladi
- “Nigilist pingvin”. Ruhan ezilgan va hayotdan maʼno izlayotganlar uchun noodatiy mem ommalashmoqda
- Tarix va zamonaviylik uygʻunlashgan shahar — Turkiya poytaxtidan fotoreportaj
- Shimol yogʻdusi — moʻjiza emas dahshat. Quyoshda X toifali kuchli chaqnash sodir boʻldi
- Oʻzbekiston armiyasi Markaziy Osiyoda birinchi o'rinda — dunyo armiyalari reytingi eʼlon qilindi
- Toshkentda Osiyo Olimpiya kengashiga yangi rahbar saylandi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring