Isroil bosh vaziri Binyamin Netanyaxu korrupsiya ayblovlari yuzasidan afv soʻradi. Bu haqida BILD nashri maʼlumot berdi.

Isroil prezidenti Isaak Gersogning idorasi mamlakat bosh vaziri korrupsiya ayblovlari boʻyicha afv soʻraganini tasdiqlagan. Mazkur soʻrov Adliya vazirligiga yuboriladi va u yerda huquqiy xulosa tayyorlanadi.

Prezident idorasi bosh vazirning ushbu soʻrovi salbiy oqibatlarga olib kelishi mumkinligini taʼkidlamoqda.

Isroil bosh vaziri Binyamin Netanyaxu yillar davomida korrupsiya boʻyicha tergov ostida boʻlgan. U milliarder tanishlaridan taxminan 174 ming yevrolik qimmatbaho zargarlik buyumlari, yuqori sifatli sigaretalar va pushti shampan kabi dabdabali sovgʻalar olganlikda ayblanmoqda. Netanyaxu doimo ushbu ayblovlarni rad etib kelgan.

Mazkur ish AQSH prezidenti Donald Trampning eʼtiborida boʻlib turibdi. Tramp Isroil prezidentini Netanyaxuni afv etishga chaqirgan. Tramp Isaak Gersogga yozgan maktubida Isroil sud tizimining mustaqilligini hurmat qilishini, ammo Netanyaxuga qoʻyilayotgan ayblovlar siyosiy asossiz deb bilishini yozgan.

Isroilda Netanyaxuni afv etish imkoniyati haqidagi munozaralar uzoq vaqtdan beri davom etmoqda. Prezident Gersog ilgari hech kim qonundan ustun emasligini aytgan.