Navbat traktorga! Yana bir antiqa sayyoh JCH-2018ni tomosha qilish uchun kelmoqda (foto)
Germaniya terma jamoasining 70 yoshli muxlisi Gubert Virt futbol bo‘yicha jahon chempionatini tomosha qilish uchun traktorda Rossiya tomon yo‘lga chiqdi.
U traktoriga tirkama sifatida pivo bochkasi ko‘rinishidagi uyini qo‘shib olgan. Uyda yotoq uchun maxsus joy va oshxona o‘rin olgan.
Gubert Virt safarini 15 may kuni boshlagan bo‘lib, u 14 iyunga qadar Moskvaga yetib olishni ko‘zlamoqda. U allaqachon Polsha chegarasini kesib o‘tib, Belarus hududiga qadar yetib kelgan.
Uning traktori Lanz Bulldog 1936 yilda ishlab chiqarilgan bo‘lib, soatiga 15-20 km tezlikda harakatlanadi. Virt sutkasiga 100 kilometr atrofida masofani bosib o‘tmoqda. Virtga uning sevimli iti — taksa turiga mansub Xeks laqabli kuchukcha hamrohlik qilmoqda.
Qayd qilinishicha, nemis pensioneri 20 yildan buyon traktorida sayohatga chiqishni odat qilgan. U nafaqaga chiqquniga qadar Mersedes kompaniyasida mexanik sifatida ishlagan.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring