Navbahor Hamidova oʻzbekistonlik bokschi qizlar orasida bu natijaga erishgan birinchi sportchi boʻldi
Astana shahrida boʻlib oʻtayotgan boks boʻyicha Jahon kubogida oʻzbekistonlik Navbahor Hamidova tarixiy yutuqqa erishdi. U mazkur musobaqada chempionlikni qoʻlga kiritgan birinchi ayol bokschi sifatida yurtdoshlarimiz nomini boks tarixiga yozib qoʻydi.
Navbahor Hamidova final jangida katta tajribaga ega raqibga qarshi ringga koʻtarildi. Uning raqibi — Turkiya terma jamoasi vakili, Olimpiada chempioni va uch karra jahon chempioni Busenaz Surmeneli edi.
Oʻta murosasiz kechgan bahsda Navbahor Hamidova raqibini 5:0 hisobida yirik farq bilan magʻlubiyatga uchratib, oltin medalga sazovor boʻldi. Shu tariqa, Hamidova oʻzbekistonlik qizlar orasida Jahon kubogi gʻolibasi boʻlgan ilk bokschiga aylandi.
Ushbu gʻalaba Oʻzbekiston sport tarixi uchun muhim voqea sifatida qayd etilmoqda. Navbahor Hamidovaning yutugʻi oʻzbekistonlik qizlar uchun yangi imkoniyatlar eshigini ochib berishi, boks rivojiga katta turtki boʻlishi kutilmoqda.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Turkiy xalqlarning maʼnaviy yalovbardori
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Rossiya Osiyo grandni magʻlub etdi
- Kambagʻal oilalar farzandlarining toʻgarak xarajatlarining 80 foizgacha qismi davlat byudjeti hisobidan qoplanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring