Myunxenning “Bavariya” klubi Germaniya futboli tarixida yangi rekord oʻrnatdi. Bu haqda “Opta” nashri xabar berdi.

Maʼlumotlarga koʻra, “Bavariya” jamoasi 2024/2025-yilgi mavsumni qatorasiga 12 ta gʻalaba bilan boshlab, Germaniya klublari tarixidagi eng yaxshi natijani qayd etdi.

Bu yilgi mavsum startidan beri myunxenliklar Bundesligada “Augsburg”, “Leypsig”, “Gamburg”, “Xoffenhaym”, “Verder”, “Ayntraxt”, “Borussiya Dortmund” kabi raqiblarini magʻlub etdi. Shuningdek, UYEFA Chempionlar ligasida “Pafos”, “Bryugge” va “Chelsi” ustidan, Germaniya kubogida “Vehen”, Germaniya Superkubogida esa “Shtutgart” jamoasiga qarshi gʻalabaga erishgan.

Eslatib oʻtamiz, Yevropa TOP-5 chempionatlari klublari orasida mavsumni eng koʻp gʻalaba bilan boshlash boʻyicha rekord hozircha Italiyaning “Milan” klubiga tegishli — “rossonerilar” 1992-yilgi mavsumda qatorasiga 13 ta gʻalaba qayd etgan.

Agar “Bavariya” keyingi ikki uchrashuvda — “Kyoln” va “Borussiya Menxengladbax”ni magʻlub etsa, u holda Yevropa TOP-5 mamlakatlari klublari orasida ham mutlaq rekordchiga aylanishi mumkin.