Мюнхен клуби Германия тарихида рекорд ўрнатди
Мюнхеннинг «Бавария» клуби Германия футболи тарихида янги рекорд ўрнатди. Бу ҳақда «Opta» нашри хабар берди.
Маълумотларга кўра, «Бавария» жамоаси 2024/2025 йилги мавсумни қаторасига 12 та ғалаба билан бошлаб, Германия клублари тарихидаги энг яхши натижани қайд этди.
Бу йилги мавсум стартидан бери мюнхенликлар Бундеслигада «Аугсбург», «Лейпсиг», «Гамбург», «Хоффенҳайм», «Вердер», «Айнтрахт», «Боруссия Дортмунд» каби рақибларини мағлуб этди. Шунингдек, УЕФА Чемпионлар лигасида «Пафос», «Брюгге» ва «Челси» устидан, Германия кубогида «Веҳен», Германия Суперкубогида эса «Штутгарт» жамоасига қарши ғалабага эришган.
Эслатиб ўтамиз, Европа ТОП-5 чемпионатлари клублари орасида мавсумни энг кўп ғалаба билан бошлаш бўйича рекорд ҳозирча Италиянинг «Милан» клубига тегишли — «россонерилар» 1992 йилги мавсумда қаторасига 13 та ғалаба қайд этган.
Агар «Бавария» кейинги икки учрашувда — «Кёлн» ва «Боруссия Менхенгладбах»ни мағлуб этса, у ҳолда Европа ТОП-5 мамлакатлари клублари орасида ҳам мутлақ рекордчига айланиши мумкин.
Тавсия этамиз
Кўп ўқилганлар
- Ўзбекистон Республикасининг хориждаги дипломатларидан иборат делегация аъзолари Ислом цивилизацияси марказига ташриф буюрди (+фоторепортаж)
- 16 январь куни баъзи жойларда қор ёғади
- Кўрфаз араб давлатлари бозорига божсиз кириш имкони яратилади
- Дунё бўйлаб қон ва кўзёш билан ўтган бир ҳафта — 20 та суратда
- “Аналог турмуш тарзи”. Инсонларда сунъий интеллектга қарши кайфият кучаймоқда
- Ўзбекистон дунёдаги сайёҳлар оқими энг тез ўсаётган етти мамлакатдан бири — БМТ ҳисоботи
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг