Mirziyoyev vertolyotda Buxorodagi kuchli shamol sabab zarar yetgan hududda qilingan ishlarni koʻzdan kechirdi

13:05 21 Yanvar 2021 Siyosat
2836 0

Prezident Shavkat Mirziyoyev 21-yanvar kuni Buxoro viloyatiga kelib, vertolyotda Olot tumaniga yoʻl oldi.

Bu – hududlar iqtisodiyotini rivojlantirishga qaratilgan joriy yilgi birinchi tashrif. Va u mazkur chekka tumandan boshlanayotgani bejiz emas.

2020-yil 27-aprel kuni Buxoro viloyatiga janubdan kuchli shamol kirib kelgan edi. Uy-joylar, infratuzilma va ekinlarga katta zarar yetkazgandi.

Davlatimiz rahbari zudlik bilan u yerga yetib borib, tabiiy ofat oqibatlarini bartaraf qilish, turar joylar va ijtimoiy obyektlarni taʼmirlash boʻyicha topshiriqlar bergan edi. Qisqa muddatda zarur ishlar bajarilib, hayot oʻz maromiga qaytdi.

Bu galgi safar chogʻida Prezident vertolyotda ushbu ishlar qamrovini koʻzdan kechirdi.

Xususan, Olot, Qorakoʻl, Jondor, Romitan, Peshku va Shofirkon tumanlarida 45 mingta uy, 204 ta koʻp qavatli turar joy taʼmirlangan. Mingdan ortiq ijtimoiy soha va tadbirkorlik obyektlari, yoʻllar, elektr, gaz va aloqa tarmoqlari tiklangan.

Ayni paytda davlatimiz rahbari shu yerlik aholi bilan muloqot qilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?