Foto: Xalq taʼlimi vazirligi

Oʻzbekiston dzyudo federatsiyasi, Xalqaro dzyudo federatsiyasi (IJF), Oʻzbekiston Respublikasi Sportni rivojlantirish vazirligi, Xalq taʼlimi vazirligi, Maktabgacha taʼlim vazirligi oʻrtasida oʻzaro hamkorlik toʻgʻrisida memorandum imzolandi.

Unga muvofiq:

— Xalqaro dzyudo federatsiyasi (IJF) “Maktablarda dzyudo” dasturi boʻyicha dzyudoga ixtisoslashtiriladigan 20 ta maktabni dzyudo tatamilari va bolalar kimonolari bilan taʼminlash;

— Sportni rivojlantirish vazirligi “Maktablarda dzyudo” dasturi asosida tashkil etilgan seksiyalarni trenerlar bilan taʼminlash, trenerlar, instruktorlarni qayta tayyorlash va ularning malakasini oshirishga koʻmaklashish va umumtaʼlim muassasalarining bolalari oʻrtasida dzyudo musobaqalarini yuqori saviyada tashkil etish va oʻtkazish;

— Oʻzbekiston dzyudo federatsiyasi “Maktablarda dzyudo” dasturi boʻyicha tashkil etilgan seksiyalarni sport anjomlari va jihozlari bilan taʼminlash, oʻquvchilar oʻrtasida musobaqalar va tadbirlar tashkil etishga koʻmaklashish va xalqaro mutaxassislarni jalb qilish orqali mahorat darslari, treninglar tashkil etish, shuningdek, “Maktablarda dzyudo” dasturi sport seksiyalari uchun oʻquv qoʻllanmalarini ishlab chiqish nazarda tutilgan.