Maktabgacha taʼlim vaziri Agrippina Shin jurnalistga intervyu berishni xohlamadimi?

22:12 21 Avgust 2022 Jamiyat
1108 0

Foto: Arxiv surat

Ijtimoiy tarmoqlarda “Maktabgacha taʼlim vaziri intervyu berishni istamadi” kabi notoʻgʻri talqin qilingan video tarqaldi. Maktabgacha taʼlim vazirligi holat yuzasidan rasmiy munosabat bildirdi.

Joriy yilning 19-avgust kuni SHHT xotin-qizlar forumi doirasida tadbirkor ayollar birinchi konferensiyasida Maktabgacha taʼlim vazirining xalqaro tashkilotlar oldidagi maʼruzasi oldidan jurnalist tomonidan tigʻiz vaqtda savolga tutilgan.

Ijtimoiy tarmoqlarda eʼlon qilingan videoda eʼtibor berilsa, jurnalist tomonidan savol berilayotgan jarayonda vazir yordamchisi «hozir u tayyorgarlik koʻrayapti» degan javob berilgan hamda forum doirasidagi nutqdan soʻng barcha savollarga javob berilishi haqida ham jurnalistga (afsuski videodagi bu joylari negadir qoʻyilmagan) tushuntirilgan.

Ijtimoiy tarmoqlarda eʼlon qilingan videodan soʻng, jarayonni notoʻgʻri tushungan holatda ijtimoiy tarmoq kuzatuvchilari va blogerlar tomonidan Maktabgacha taʼlim vaziriga nisbatan turli xildagi salbiy fikrlar talqin qilinmoqda.

Eng achinarlisi, ushbu videomaterial ijtimoiy tarmoq kuzatuvchilari va blogerlarda Maktabgacha taʼlim vaziri, hukumat aʼzosi, Oʻzbekiston Respublikasi fuqarosiga nisbatan millati, tili va dini haqidagi turli xildagi salbiy fikrlarni uygʻotgan. Vaholanki yurtimizda 130 dan ortiq millat va elat vakillari tinch-totuv yashab kelishmoqda.

Jurnalistik etikaga rioya qilinib harakat qilinganda edi ijtimoiy tarmoqlarda bir shaxsning millati, tili, dini haqidagi notoʻgʻri talqin qilinayotgan videomaterial tarqalmagan va keng ommaning nohaq eʼtirozlariga sabab boʻlmas edi.

Albatta barchamizning huquq va burchlarimiz Konstitutsiya moddalarida mustahkamlab qoʻyilganligini unutmasligimiz lozim, deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?