Kuvaytda 49 nafar hindistonlik tiriklay yonib ketdi
Foto: EPA
Quvaytdagi xorijlik ishchilar yashaydigan olti qavatli binoda yongʻin kelib chiqishi oqibatda 50 nafarga yaqin hindistonlik ishchi halok boʻldi. Bu haqda «Guardian» nashri xabar beradi.
Kuvayt ichki ishlar vazirligi sud-tibbiy ekspertiza guruhlari binoda tintuv oʻtkazganidan soʻng halok boʻlganlar soni 49 nafar ekanligini maʼlum qildi. Mamlakatning rasmiy OAVlariga koʻra, yana 56 nafar tan jarohati olgan ishchi shifoxonalarga joylashtirilgan.
Yongʻingacha binoda 196 nafar ishchi yashagan. Ularning aksariyati janubiy va janubi-sharqiy Osiyo davlatlaridan kelgan mehnat muhojirlari boʻlgan.
Hindiston Bosh vaziri Narendra Modi ijtimoiy tarmoqlar orqali taʼziya izhor qilib, voqeani «qaygʻuli» deb atadi. Mamlakatning Kuvaytdagi elchixonasi esa favqulodda yordam uchun maxsus ishlarni yoʻlga qoʻyganini maʼlum qildi.
Hindiston tashqi ishlar vaziri Subrahmanyam Jaishankar va boshqa rasmiylar yordam va marhumlarni vataniga qaytarishni muvofiqlashtirmoqda.
Kuvayt hukumati jabrlanganlarga yordam berish uchun resurslarni safarbar qilishi kutilyapti.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring