Shaxmat taxtasining bir boʻlagi.Tepada fonus.Taxtada odam tanasini eslatuvchi nimadir bor.Bor – yoʻgʻi shu, xolos.U nimani anglatadi?

Buxoro sanʼat muzeyida Samarqanddagi “Ruxsor” zamonaviy sanʼat muzeyi hamkorligida tashkil etilgan ekspozitsiyani tomosha qilgani kelganlar bu manzarani turlicha talqin etdilar.Kimdir rassom “Shaxmat taxtasi bu- hayot, unda kunduzi chiroq yoqib ham chin insonni topish mushkul demoqchi”, degan fikrni oʻrtaga tashladi.Kimdir esa...

-Tasviriy sanʼatning bu yoʻnalishi tarixi yurtimizda islom dini kirib kelgan davrlarga borib taqaladi, deb oʻylayman,- deydi rassom Muzaffar Abdullayev.- Negaki, islom aqidalaridan kelib chiqib, inson suratini chizish mumkin emas, degan gʻoya omma ongu shuuriga singdirilgach, musavvirlar qalb kechinmalarini oʻziga xos yoʻsinda tasvirlashga kirishganlar.Bunday ijod namunalari odamni fikrlashga, mulohaza yuritishga, hayotiy xulosalar chiqarishga undaydi.

“Barhayot qarashlar” deb nomlangan loyiha doirasida tashkil qilingan tadbirda rangtasvir sanʼatining abstraksizm yoʻnalishida ijod qilayotgan yigirmaga yaqin musavvirning ijod namunalari namoyish etilmoqda.

Istam IBROHIMOV,

“Xalq soʻzi”