Шахмат тахтасининг бир бўлаги.Тепада фонус.Тахтада одам танасини эслатувчи нимадир бор.Бор – йўғи шу, холос.У нимани англатади?

Бухоро санъат музейида Самарқанддаги “Рухсор” замонавий санъат музейи ҳамкорлигида ташкил этилган экспозицияни томоша қилгани келганлар бу манзарани турлича талқин этдилар.Кимдир рассом “Шахмат тахтаси бу- ҳаёт, унда кундузи чироқ ёқиб ҳам чин инсонни топиш мушкул демоқчи”, деган фикрни ўртага ташлади.Кимдир эса...

-Тасвирий санъатнинг бу йўналиши тарихи юртимизда ислом дини кириб келган даврларга бориб тақалади, деб ўйлайман,- дейди рассом Музаффар Абдуллаев.- Негаки, ислом ақидаларидан келиб чиқиб, инсон суратини чизиш мумкин эмас, деган ғоя омма онгу шуурига сингдирилгач, мусаввирлар қалб кечинмаларини ўзига хос йўсинда тасвирлашга киришганлар.Бундай ижод намуналари одамни фикрлашга, мулоҳаза юритишга, ҳаётий хулосалар чиқаришга ундайди.
 

“Барҳаёт қарашлар” деб номланган лойиҳа доирасида ташкил қилинган тадбирда рангтасвир санъатининг абстракцизм йўналишида ижод қилаётган йигирмага яқин мусаввирнинг ижод намуналари намойиш этилмоқда.

Истам ИБРОҲИМОВ,

“Халқ сўзи”