Koʻkdaladagi “zapravka”da yuz bergan holat boʻyicha jinoyat ishi ochildi
Videodan kadr
Kecha, 16-iyul kuni Qashqadaryo viloyatining Koʻkdala tumanida joylashgan avtomobillarga gaz quyish shoxobchasida yirik yongʻin sodir boʻlgani, hodisa oqibatida 4 nafar fuqaro halok boʻlgani haqida xabar berilgan edi. Mazkur holat yuzasidan jinoyat ishi qoʻzgʻatildi. Bu haqda Bosh prokuratura matbuot kotibi Hayot Shamsuddinov maʼlum qildi.
Bildirilishicha, Koʻkdala tumanida sodir boʻlgan holat yuzasidan Jinoyat kodeksining 205 (Hokimiyat yoki mansab vakolatini suiisteʼmol qilish) va 259 (Yongʻin xavfsizligi qoidalarini buzish) moddalari bilan jinoyat ishi qoʻzgʻatilgan. Tegishli soha mutaxassislari ishtirokida yongʻin koʻlami va yetkazilgan zararlarning miqdorini aniqlash ishlari olib borilmoqda.
Shuningdek, jinoyat ishi doirasida sud-tibbiy, yongʻin kelib chiqishini aniqlash boʻyicha sud-kimyoviy, biologiya, kriminalistika va yongʻin texnikaviy ekspertizalari tayinlangan.
“Tergov harakatlari davom etmoqda”, deb yozadi BP matbuot kotibi.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring